قصيدتي في ملتقى قبيلة السرحان // سلامِ يا لابةٍ العز فيها عمور

سلامِ يا لابةٍ العز فيها عمور=يصدع بها صوتي وأثني وأغنيبها
للبدو وأهل الحضر واللي سكن بالقصور=من شرقي ذا الوادي لين الغرب أعليبها
للحاضرين أوجبت للغايبين العذور=وسلامي للغايب بفايح مسك طيبها
من طانخ الراس هده لأنتوى مايكور=هد الوحش لأدرجت بالبيد يدميبها
أطلقت فكري وأنقيت الدرر من بحور=وأشرب قراحٍ قبل ما الطين يعثيبها
وأقطف بساتينها بأنواع ورد وزهور=وأترك طمانه ونعنا بالجزل هيبها
شاعر بلطم الجزر والمد يرسي الببور=الجزله اتنخ له يامر وينهيبها
لفيت للحفل بالبهجه وكلي سرور=لبيه ياذا المقام المنتظر جيبها
وأفرح لامنه وتت من لابتي بالحضور=أي والله افرح وأهلي ثم أهليبها
ياشيوخنا ياعمدنا وأنقشوا بالصخور=الله بلم الشمل لبوا مطاليبها
الشر طاح وشعق ضو البشاير بنور=والصف واحد ويومي نو مساكيبها
حقٍ علينا نرابط نلزم أرض الثغور=وحقٍ عليكم تديروا الدفه ننجيبها
تاريخكم سطر بعنبر ومسك وبخور=قبيلةٍ بإسمها الوادي مسميبها
نعمٍ بكل القبايل لامافيهم قصور= والكل في لابته يفخر ويشديبها
سرحان جدي ولامني ذكرته أثور=تثور فيني الحميه كان تدريبها
ظياغمٍ سطروا بالسيف بين السطور=خطٍ قراه العمى والضد يهذيبها
لادق ناقوسها والموت وصل النحور=الحزه اللي تبين الكبش عن ذيبها
يردون حوض المنايا وردها للنهور=عزاويٍ تعلنا الرغبة وترهيبها
أهل البويضا على مر الدهر والعصور=تبقى مواريدها وتبقى مضاريبها
طوال مدٍ قلال العد فيهم فخور=دفاقة السمن لاحلة مواجيبها
أهل القلايد مرابطهم لاغارت تجور=ذيك النواقيه والكحيلة ترتيبها
عيال العذي وارثينه كابرٍ عن كبور=كابر وعن كابرٍ ماوالله أخطيبها
وأخوات وضحى مطوعة اليسر والعسور=زبن الدخيل وذرى صكة مناشيبها
وحمر الشباري بفلق الهامة إليا الصدور=بالدم يجزي ابن هباس وهديبها
وأهل العقيلة نهار الموت كنه نسور=قبايل المنتفق إن كان توشيبها
والبوغا أهل النخاوي لأندعت ماتبور=ياويل من يعترض شبانها وشيبها
قد لا قيل من لايعرف الحر بين الطيور=يشويه في شبته ماوالله يدريبها
يالقاف مني تفجر وأعلنه للدهور=حب آل سرحانٍ بدمي ويجريبها
الام من آل سرحانٍ وجابت غيور=والأب سرحاني بالاثنين ناتيبها
أقولها وأرفعه في كل محفل ودور=هو جدنا الذيب ما آخذ ولا اعطيبها
قلته وأقوله وأزيد القول مابه مشور=ولاهمني هرج هراجٍ يحاكيبها
ماهمني كل هيس وكل خبلٍ يخور=ألعن أبو جده وترثته أوطيبها
قبيلتي خطٍ أحمر دونها ألف طور=وشباب ذا النار يرمى في لواهيبها
كم راس شيخٍ نقطه في زمانٍ عبور=والعاقل المتعظ يبخص تجاريبها
وكم من قبايل غزاويها تعود كسور=تلقى تواريخها بالحق تدليبها
وعدد وعدد وعدد لا ماتلقى حصور=يشهد بها وادي السرحان ينبيبها
واليوم في ظل أخو نوره طويل الشبور=بالامن والعز والخيرات نسريبها
وصلاة ربي على خير البشر الطهور=طه محمد عدد ما احبر مكاتيبها

الشاعر/سلطان بن هايل المنديل السرحاني