يا الله يا اللي مسيرٍ كل الافلاك
ويا حاكمٍ بالعدل بين العبيدي
تفرج على اللي دايم الدوم يرجاك
اصبحت أنا من الظيم مثل الطريدي
بجاه الكليم اللي على الطور ناجاك
تشفي فؤادٍ صار ينزف صديدي
وجاه الربيب اللي تكلم وحياك
في حضن مريم كان بعده وليدي
وجاه الحبيب المصطفى رافع الْوَاك
تفكني من هول باب الحديدي
يا رب تجعل ابو قيس بحماك
ويا حي يا معبود عمره تزيدي
فرح القلب والله ساعة ملاقاك
يومن نظرتك مقبلن من بعيدي
وسالت دموع الفرح يوم شفناك
والهم زال بشوفتك يا عضيدي
المرجله والطيب كله بيمناك
ويا ليت رمحك طايلن يا وديدي
يا مسندي ليت المنايا تعداك
يطول عمرك كاسبن للحميدي
ويا مسندي تارن من الضيم انخاك
يا عين صقرٍ بالمخالب يصيدي
يا ولد عمي كل الانذال تفداك
أنا أدري إن خلان الفضا ما تفيدي
